Briston-ի Diver (սուզանավային) բոլոր ժամացույցներն ունեն Clubmaster շարքին բնորոշ յուրահատուկ «քառակուսի-կլորավուն» (բարձիկաձև) տեսքը։ Clubmaster Diver-ն անմիջապես ճանաչելի է իր 42 մմ տրամագծով պատյանի շնորհիվ, որի աջ կողմում տեղադրված են 2 լարման գլխիկներ. սա հարգանքի տուրք է 1960-ականների Supercompressor ժամացույցներին։ «Yachting» տարբերակն ունի ընկուզենու բնական փայտից պատրաստված թվահարթակ, որը ոգեշնչված է նավերի տախտակամածներից։ Դրա ամուր պատյանն ունի 200 մետր ջրակայունություն։ Clubmaster Diver Pro-ն կարելի է տարբերակել իր ակոսավոր կերամիկական բեզելով (օղակով)։ Դրա 44 մմ տրամագծով պատյանի ներսում նույնպես տեղադրված է հուսալի NH35A ավտոմատ կալիբրը։ Սակայն, շնորհիվ գերամուր շափյուղյա ապակու համադրության, այն դիմանում է ավելի քան 30 բար ճնշման և ունի 300 մետր ջրակայունություն։

Ստեղծագործական և ձեռնարկատիրական ժառանգությունից ծնված Briston-ը հիմնադիր Բրիս Ժոնեի ժամագործության հանդեպ տածած ողջ կյանքի կրքի արդյունքն է։ Cartier, Zenith, Baume & Mercier և Raymond Weil աշխարհահռչակ տներում 15 տարվա փորձ ձեռք բերելուց հետո նրա գաղափարը իրականություն դարձավ 2012 թվականին՝ շվեյցարացի դիզայներ ընկերների հետ համագործակցության շնորհիվ. ծնվեց Briston-ը` իսկական, ոճային և ինքնավստահորեն տարբերվող։ Յուրաքանչյուր Briston ժամացույցի հիմքում ընկած է յուրօրինակ ինքնություն՝ բարձր դասի ժամագործություն, համադրված սպորտային-շիքի ոգու հետ։ Ոճ, որը միաժամանակ և՛ էլեգանտ է, և՛ հանգիստ, և՛ նուրբ, և՛ խաղային։ 1950-ականներին այս «preppy» էսթետիկան տարածվեց ԱՄՆ-ում՝ գրավելով Այվի Լիգայի ուսանողների ուշադրությունը, այդ թվում՝ ժամանակի ամենահայտնի դեմքերից մեկի՝ Ջոն Ֆ. Քենեդիի։ Հետագայում այն դարձավ Tommy Hilfiger, Ralph Lauren, Gant և Brooks Brothers բրենդերի հաջողության հիմքերից մեկը։